Քրդական Fırat լրատվական գործակալության փոխանցմամբ, թուրքական պաշտոնական տվյալներով, վերջին 10 տարիներին թուրքական բանտերում մահացել է 1677 մարդ: Այս մասին նշված է Թուրքիայի հիմնական ընդդիմադիր Ժողովրդահանրապետական կուսակցության (ԺՀԿ) պատգամավոր Գյուրքութ Աջարի բարձրացրած հարցին Արդարադատության նախարար Սադուլլահ Էրգինի պատասխանում:
Դրանում նշված է, որ բանտարկյալների մահվան ամենամեծ ցուցանիշը գրանցվել է 2011 թ.՝ 268 մարդ, իսկ այս տարի բանտերում արդեն իսկ մահացել է 52 մարդ: Էրգինը նաև նշել է, որ ներկա դրությամբ բանտերում գտնվում է 204 մարդ, որոնցից 98-ը տևական բուժման կարիք ունեն:
2002 թ. (երբ Թուրքիայում իշխանության եկավ Ռեջեփ Էրդողանի գլխավորած Արդարություն ու զարգացում կուսակցությունը) բանտերում մահացել է 89, 2003 թ.՝ 163, 2004 թ.՝ 54, 2005 թ.՝ 59, 2006 թ.՝ 157, 2007 թ.՝ 176, 2008 թ.՝ 211, 2009 թ.՝ 196, 2010 թ.՝ 252, 2011 թ.՝ 268, 2012 թ.՝ 52 մարդ:
http://www.1in.am/arm/regional_turkey_100126.html
Leave a Reply