Օփրա Ուինֆրեյի կայքը Ցեղասպանության մասին գիրքը ճանաչել է որպես այս շաբաթվա լավագույն գիրք

Ամերիկացի հայտնի հեռուստահաղորդավարուհի Օփրա Ուինֆրեյը իր բլոգում շաբաթվա լավագույն գիրք է ճանաչել Քրիս Բոհջալյանի «Ավազե ամրոցի աղջիկները» գիրքը, որում պատմվում է Հայոց ցեղասպանության մասին:

Ուինֆրեյի բլոգի «Շաբաթվա գիրքը» բաժնում նշված է, որ բլոգի և կայքի խմբագիրներն ամեն շաբաթ իրենց ընթերցողներին են առաջարկում այն գրքերը, որոնք անպայման պետք է կարդալ:

Կայքի խմբագիրներից մեկը նշում է, որ Քրիս Բոհջալյանը, ով հայտնի էր իր «Մանկաբարձուհիները» գրքով, այս անգամ ներկայացել է այլ ոճով`այրող, կոկիկ հյուսված պատմվածքով: Վեպը իրականում ներկայացնում է երկու պատմություն մեկում. Էլիզաբեթ Էնդիքոթի և Արմեն Պետրոսյանի պատմությունը` սիրահարներ, ովքեր հանդիպում են Սիրիայում Հայոց ցեղասպանության ժամանակ, ինչպես նաև նրանց թոռնուհու պատմությունը, ով իր տատիկի և պապիկի հանդիպումից շուրջ մեկ դար հետո ցանկանում է պարզել, թե ինչու էին նրանք լռում իրենց երիտասարդության մասին:

Երեքն էլ ցանկանում են միայն մեկ հարցի պատասխան գտել. նման սարսափից հետո, արդյոք հնարավո՞ր է որևէ տեսակի երջանկություն զգալ»,- նշվում է կայքում:

Հիշեցնենք, որ Քրիս Բոհջալյանի «Ավազե ամրոցի աղջիկները» բեսթսելլեր է ճանաչվել մի շարք հեղինակավոր թերթերի կողմից, ինչպիսիք են The Washington Post, USA Today և Boston Globe-ը:

http://haynews.am/hy/1343221905