Սիրիայի ասորի քրիստոնյաների համատեղ հայտարարությունը

Մեր հիշողության մեջ դեռ 1915թ-ի քրիստոնյաների ցեղասպանության պատկերներն են:

Սիրիայում և երկրից դուրս բակվող ասորիները երկրում կատարվող իրադարձությունների վերաբերյալ հայտարարություն են տարածել, որտեղ թեև հիշատակվում է 1915թ-ի ցեղասպանությունը, սակայն հայտարարության մեջ կան նաև քաղաքական եզրահանգումներ, որոնք չեն համընկնում հայ համայնքի տեսակետի հետ:

Այդ պատճառով էլ հայտարարության հեղինակների մեջ բացակայում են հայ համայնքի ներկայացուցիների ստորագրություններ, իսկ հայտարարությունը արտահայտում է միայն ասորի համայնքի տեսակետը: “Մեր ժողովրդին և համաշխարհային հանրությանը” վերնագրով հայտարարության մեջ , որում առկա են եվրոպական երկրների համայնքների երկու տասնյակից ավելի գործիչների ստորագրություններ, նշվում է, որ ասորի քրիստոնեական համայքը երբեք աջակից չի եղել ԲԱԱՍ շովինիստական կուսակցության գործունեությանը և ողջունել է երկրի ժողովրդավարացման նպատակով սկսված բոլոր շարժումները:

Սակայն Սիրիայում Մուսուլման եղբայրներ կուսակցության հետևորդներն ի սկզբանե ժողովրդավարական նպատակներ հետապնդում հայտարարող ընդդիմադիր շարժումը վերածել են ծայրահեղ շովինիստական սուննի հավատի հետևորդների պայքարի, ինչը խիստ անհագստացնում է քրիստոնյաներին:

Սսորիները հայտարարում են, որ Ալ Քաիդայի ահաբեկիչների, Մուսուլման Եղբայրների և Սալաֆիստների իշխանություն գալու դեպքում քրիստոնյաների համար մեծ աղետ կլինի, և կկրկնվեն 1915թ-ի ցեղասպանության դեպքերը:

Ասորիների մերժում են ամեն տեսակ միջամտություն Սիրիայի ներքին գործերին, դատապարտում են Սաուդյան Արաբիայի և Քաթարի կողմից ծայրահեղ իսլամիստների ներդրումը ընդդիմության շարքերի մեջ, որոնց արդյունքում Հոմսում, Իդլիպում և Դեր Զորում արդեն հնչում են “Ալլահ աքբար, Մոհհամեդ Սալաֆատ” կոչերը, որոնց առաջնորդությամբ նաև իրականացվեցին 1915թ-ի ցեղասպանությունը:

Ասորիները հայտարարում են, որ նրանք աջակցում են Քոֆֆի Աննանի խաղարարար պլանին և կողմ են Սիրիայում աշխարհիկ, ժողովրդավարական և նաև ասորի ժողովրդի իրավունքները պաշտպանող պետության կառուցմանը:

http://www.armweeklynews.am/awn/mj12/mj_1126.htm