Թուրք-քրդական բախման հետեւանքով քուրդ զինյալներ են սպանվել

Թուրքիայի արևելյան շրջաններում չեն դադարում բախումները երկրում ահաբեկչական համարվող Քրդական բանվորական կուսակցության անդամների հետ: Ինչպես հաղորդում է «Արմենպրես»-ը` վկայակոչելով թուրքական «Միլլիեթ» պարբերականը, Հաքքարիի Շեմդինլի գավառում քրդական կուսակցության անդամները հարձակվել են ճանապարհով անցնող մեքենաների վրա, ինչից հետո սկսվել է բախում թուրք ոստիկանների հետ:

Կողմերի միջև կրակահերթ է սկսվել: Գործողության ժամանակ օգտագործվել են նաև ուղղաթիռներ ու ինքնաթիռներ:

Երկարատև գործողության արդյունքում սպանվել են 15 քուրդ զինյալներ: Ծանր վիրավորվել է մեկ թուրք սպա և եվս երկու զինծառայող:

http://armenpress.am/arm/news/688627/turq-qrdakan-bakhman-hetevanqov-qurd-zinyalner-en-spanvel.html