Վիրավորանք` ուղղված հայոց հավատքին

Այս տարվա հուլիսի 28-ին նախատեսվող ուխտագնացությունը` դեպի 2973 մ բարձրություն ունեցող Մարութա լեռան վրա գտնվող եկեղեցի, արգելվել է Սասունի քաղաքապետ Մուզաֆեր Արսլանի և գավառապետ Բահադըր Յորյուքի կողմից հրապարակված պետական որոշմամբ:

Այդ մասին հաղորդում է www.aykiridogrular.com կայքը: Աղբյուրի փոխանցմամբ` վերոնշյալ որոշումը հիմնավորվել է այն պատճառաբանությամբ, թե ուխտագնացության ամսաթիվը համընկնում է մահմեդականների կողմից սուրբ համարվող Ռամադան ամսվա հետ, և առաջարկվել այն իրականացնել սեպտեմբերին, որը սուրբ ամիս չի ընդունվում մուսուլմանների կողմից:

Ինչպես նշվում է հրապարակման մեջ, հայերի այս միջոցառումը նույնքան էական է քրիստոնյաների համար, որքան Ռամադանը` մահմեդականների, և չպետք է մոռացության մատնել, որ իսլամը հանդուրժողականության կրոն է: Այնինչ, քաղաքապետն ու գավառապետն արդեն ստորագրել են այդ որոշումը:

Հիշեցնենք, որ Akunq-ը մի մանրամասն հոդված է հրապարակել ամեն տարվա հուլիս ամսին Սասնա Մարութա լեռան վրա կատարվող տոնակատարությունների վերաբերյալ (տե’ս http://akunq.net/am/?p=17726):

Akunq.net