ՌԴ պետդումայի նախագահը ծաղկեպսակ է դրել Ծիծեռնակաբերդի հուշահամալիրում

Ռուսաստանի Պետական դումայի նախագահ Սերգեյ Նարիշկինը, ով Հայաստանում է գտնվում պաշտոնական այցով, հուլիսի 24-ին, այցելել է Հայոց ցեղասպանության զոհերի հիշատակը հավերժացնող Ծիծեռնակաբերդի հուշահամալիր (ֆոտոռեպորտաժ):

Նա ծաղկեպսակ է դրել հուշակոթողին եւ այցելել Հայոց ցեղասպանության թանգարան-ինստիտուտ: Նարիշկինը գրառում է թողել Գրառումների մատյանում, որտեղ մասնավորապես գրել է. «Ցեղասպաությունը ողբերգություն է, որը բաժին է ընկել Ձեր երկրին: Համոզված եմ, որ հայ ժողովրդի տոկունությունը, արիությունը եւ իմաստնությունը միշտ կծառայեն Հայաստանի խաղաղ զարգացմանը եւ բարգավաճմանը»:

Բացի այդ, ՌԴ պետդումայի խոսնակը «Հիշողությունների պուրակ»-ում խորհրդանշական եղեւնի է տնկել:
Նարիշկինին ուղեկցել է Հայաստանի Ազգային ժողովի փոխնախագահ  Էդուարդ Շարմազանովը, Հայաստանում ՌԴ դեսպան Վյաչեսլավ Կովալենկոն եւ ՌԴ-ում Հայաստանի դեսպան Օլեգ Եսայանը:

Լուսանկարը` Սոնա Բարսեղյանի

http://news.am/arm/news/114580.html