Թուրքական դատարանը չեղյալ է հայտարարել քրդական մշակութային կենտրոնը քուրդ բանաստեղծի անունով կոչելու որոշումը

Թուրքիայի վարչական դատարանը չեղյալ է հայտարարել Քրդաբնակ տարածաշրջանի կենտրոն Դիարբեքիրի քաղաքապետարանի կողմից քրդական մշակութային կենտրոնը քուրդ անվանի բանաստեղծ Չեգերխվինի անունով կոչելու եւ քաղաքի 19-ը պուրակներին քրդական անվանումներ տալու մասին որոշումը:

 Ինչպես հաղորդում է «Արմենպրես»–ը` վկայակոչելով թուրքական լրատվամիջոցները, դատարանի այդ որոշումը բացի քրդերից դատապարտել են նաեւ Դիարբեքիրում բնակվող թուրքերը: Թուրքական մամուլը դատարանի որոշումը գնահատել է որպես քուրդ ժողովրդի գոյությունը կասկածի տակ առնելու իրողություն:

http://armenpress.am/arm/news/688441/turqakan-datarany-chexyal-e-haytararel-qrdakan-mshakutayin.html