Սղերթում թուրքերը թույլ չեն տվել վերանորոգել եկեղեցին

Ներկայիս Թուրքիայի Սղերթ նահանգում (թուրքական տարբերակով` Սիրրթ) անտերության և ոչնչացված են մատնված ոչ միայն հայկական գերեզմանատներն ու մատուռները, այլ նաև տասնյակ հայկական և ասորական եկեղեցիներ ու վանքեր:

Թուրքական Aykiri Dogrular թերթի հայազգի լրագրող Ջևաթ Սինեթն օրերս այցելել է Սղերթ, որտեղ լուսանկարել է հայկական և ասորական պատմական շինությունների խղճուկ վիճակը:

Ինչպես հայերի, այնպես էլ ասորիների կողմից սրբատեղի համարվող Սուրբ Հակոբ եկեղեցուց միայն պատերն են մնացել: Այն շարունակում է քանդվել, սակայն պետության կողմից ոչ մի ուշադրության չի արժանանում:

6-7 տարի առաջ էլ ոչնչացվել էր Հիսուս Քրիստոսին նվիրված արձանը, որը եկեղեցու առանձնահատուկ մասն էր կազմում:

Եկեղեցին ցանկացել են վերանորոգել անհատ բարերարները, սակայն Թուրքիայի մշակույթի նախարարությունը կտրուկ մերժել է նրանց և չի թույլատրել վերականգնման աշխատանքներ իրականացնել:

Նշեմ, որ օրերս Սինեթն արձանագրել էր, թե ինչպես է Սղերթում ճանապարհաշինական աշխատանքների ժամանակ ավերվել հայկական գերեզմանատունը: Շինարարության վայրում կարելի էր գտնել հարյուրավոր քանդված շիրմաքարեր, ինչպես նաև մարդկային ոսկորներ:

http://gevorgpetrosyan.livejournal.com/204991.html