Հայոց ցեղասպանության ժխտումը քրեականացնող օրենքը կառավարության գլխացավանքն է

Ֆրանսիայի Ազգային ժողովի արտաքին հարաբերությունների հանձնաժողովում կայացել են լսումներ Հայոց ցեղասպանության վերաբերյալ:

Լսումների ընթացքում իր տեսակետն է հայտնել նաև Ֆրանսիայի արտաքին գործերի նախարար Լորան Ֆաբիուսը:

Նրան ուղղված այն հարցին, թե արդյոք տեղին է կրկին խորհրդարանի քննարկմանը ներկայացնել Հայոց ցեղասպանությունը քրեականացնող օրինագիծը, արտգործնախարարն առաջարկել է չափավորված խոսել այս թեմայով:

Նա հիշեցրել է, որ Ֆրանսիայի ներկայիս և նախկին նախագահները նախընտրական շրջանում ընտրողներին խոստացել են աջակցել Հայոց ցեղասպանությունը քրեականացնող օրենքի նախագծին: Մյուս կողմից, ասել է Ֆաբիուսը, Ֆրանսիայի սահմանադրական դատարանը չեղյալ է հայտարել այդ օրինագիծը:

Այժմ անհրաժեշտ է գտնել այնպիսի լուծում, որը և հարգանք կդրսևորի սահմանադրական դատարանի ոչ վիճարկելի որոշման նկատմամբ, և թույլ կտա նախագահին հավատարիմ մնալ իր խոստմանը, ասել է արտգործնախարարը:

http://www.armweeklynews.am/awn/mj12/mj_1114.h