Van Times-ը կրկին հայերեն է հրատարակվելու

Վանում հրատարակվող Van Times թերթը, որը դադարեցվել էր տպագրվել, երբ մահացավ նրա սեփականատեր Ազիզ Այքաչը, կրկին պատրաստվում է հրապարակվել ամսագրի տեսքով եւ 4 լեզվով, այդ թվում՝ հայերենով։

Ստամբուլի հայկական «Ակօս»-ի փոխանցմամբ՝ Van Times-ի նախկին սեփականատեր Ազիզ Այքաչի որդին նախաձեռնել է կրկին հրատարակել Van Times-ը։ Հրատարակման գործում աջակցություն են ցուցաբերում Նազիկ Արմենակյանը, Բագրատ Էստուկյանը, Մեհմեդ Ֆըրաթը, Արիս Նալջըն եւ այլք։ Ամսագրի նախագծի համակարգող Արիս Նալջըն նշել է, թե աշխարհի պատմության մեջ Վանը կարեւոր տեղ ունի, որի համար էլ որոշվել է Van Times ամսագիրը հրատարակել։  Նալջըն շեշտել է, որ ամսագրի առաջին համարը լույս կտեսնի հանգանակությունների շնորհիվ։

Նշենք, որ Van Times-ը 2010-ի սեպտեմբերին` Աղթամարի Սուրբ Խաչ եկեղեցում պատարագ անկացնելուց օրեր առաջ, սկսել էր տպագրվել նաեւ հայերեն։

http://news.am/arm/news/113862.html