ՄԻԵԴ-ը կրկին դատապարտել է Թուրքիային

Մարդու իրավունքների եվրոպական դատարանը (ՄԻԵԴ) շարունակում է մեկը մյուսի հետևից որոշումներ ընդունել ընդդեմ Թուրքիայի: Ինչպես հաղորդում է «Արմենպրես»-ը` վկայակոչելով թուրքական «Հուրիեթ» պարբերականը, ՄԻԵԴ-ը բավարարել է Թուրքիայի դեմ Մեհմեդ Թարհանի ներկայացրած հայցը:

Մեհմեդ Թարհանը, ով 2006 թ. ի վեր գտնվում է դասալիքի կարգավիճակում, մեղադրել է Թուրքիային` իրեն զինվորական բանտում պահելու, ստիպողաբար մազերը կտրելու, անմարդկային և նվաստացուցիչ վերաբերմունք դրսեւորելու համար: Եվրոպական դատարանը հայտնել է, որ զինվորի նկատմամբ նման վերաբերմունքը հակասում է մտքի, խղճի և դավանանքի ազատության մասին օրենքի իններորդ հոդվածին:

ՄԻԵԴ-ը պարտավորեցրել է Թուրքիային տուժողին վճարել տասը հազար եվրո` որպես բարոյական փոխհատուցում, և ևս երկու հազար եվրո` դատարանի ծախսերը վճարելու համար:  

http://armenpress.am/arm/news/688000/mied-y-krkin-datapartel-e-turqiayin.html