Թուրքական գումարներ` լռեցնելու հանրապետական Շմիդտին

Վաշինգտոնից Cincinnati Enquirer թերթի տեղեկացմամբ` Մ. Նահանգների Ներկայացուցիչների պալատի անդամներից Ջին Շմիդտը վերջին երեք տարիների ընթացքում «Ամերիկայի թուրքական կոալիցիա» կազմակերպությունից ստացել է ավելի քան 582 հազար դոլար, որից 430 հազարը` 2009-2010 թվերին, իսկ 152 հազարը` 2011-ին: Ըստ հանրապետական անդամի վերջերս ներկայացրած ֆինանսական հաշվետվության` այդ գումարները վճարվել են իրավաբանական ֆիրմաներին ունեցած իր պարտքերը փակելու համար:

Շմիդտը դատական հայցեր էր ներկայացրել հայազգի Դեյվիդ Գրիգորյանի դեմ, երբ վերջինս հայտարարել էր, որ հայերի ցեղասպանության ճանաչման դեմ պայքարելու համար Շմիդտը կեղտոտ փողեր էր ստացել թուրքական կառավարությունից:

Անցյալ տարի Ներկայացուցիչների պալատի Էթիկայի հանձնաժողովը բացահայտել էր, որ Շմիդտը նման «անպարկեշտ» նվեր ստացել էր «Թուրքական կոալիցիայից, բայց նշել էր, թե նա տեղյակ չի եղել, որ կոալիցիան է փակում իր պարտքերը: Այդուհանդերձ հանձնաժողովը խնդրել էր այդ ստացված գումարների մասին զեկուցել հաշվետվության մեջ: Լուրը արտատպել էր «Արմինյն միրոր-սփեքթեյթր» շաբաթաթերթը:

Հ. Ծ.

http://azg.am/AM/2012071807