Վանա լճի ամենամեծ կղզում՝ Առտերում, ճայերը շարունակում են զանգվածաբար սատկել։
Թուրքական Hurriyet-ի փոխանցմամբ՝ Վանի Առտեր կղզում մեծ քանակությամբ ճայեր են սատկել, իսկ ողջ մնացածն էլ՝ սատկելու վտանգի առաջ են։
Նշվում է, որ ճայերի սատկելու պատճառն այն է, որ ճայերի սնունդը՝ Վանա լճի միակ ձկնատեսակ տառեխը, հեռացել է կղզու ափերից։
Վանի Հարյուրամյա համալսարանի վայրի բնության եւ պահպանման եւ ուսումնասիրման կենտրոնի տնօրեն Լոքման Ասլանը նշել է, թե պետք է նման իրավիճակի դեմն առնել՝ շեշտելով, որ ինքն այդ հարցով զեկույց է պատրաստելու։
Նշենք, որ Վանի Առտեր կղզում, երկար տարիներ է, ինչ զանգվածաբար սատկում են ճայերը։ Անմարդաբնակ եւ քիչ ուսումնասիրված կղզում բավականին շատ են սատկած ճայերի լեշերը։
Կղզում է գտնվում Սուրբ Գեւորգ եկեղեցին եւ Սուրբ Սիոն մատուռն ու Լիմ վանքը, որոնք մեծապես տուժել են գանձեր որոնողների գործողություններից։
Leave a Reply