Հայ եւ թուրք գործարար կանայք Դիարբեքիրում համագործակցության պայմանագրեր են ստորագրել

Հայաստանի «Կանանց ֆորում» ՀԿ-ի գործարար կանայք Թուրքիայի DOGÜNKAD-ի (Արեւելյան եւ հարավ-արեւելյան շրջանների գործարար կանանց ասոցիացիա) գործարար կանանց հետ Դիարբեքիրում պայմանագրեր ստորագրեցին համատեղ գործունեության վերաբերյալ:
Ինչպես Դիարբեքիրից տեղեկացնում է NEWS.am-ի թղթակիցը, հուլիսի 10-ից 13-ը Հայաստանի «Կանանց ֆորում» ՀԿ-ի եւ Թուրքիայի DOGÜNKAD-ի միջեւ Դիարբեքիրի Առեւտրաարդյունաբերական պալատում տեղի են ունեցել բիզնես քննարկումներ, որի ավարտին ստորագրվել են պայմանագրեր` համատեղ բիզնես գործունեության վերաբերյալ:
Հայաստանի «Կանանց ֆորում»-ի եւ Թուրքիայի DOGÜNKAD-ի միջեւ նախորդ տարի հոկտեմբերից սկսված շփումների ընթացքում փոխադարձ ուսումնասիրվել են երկու երկրների բիզնես համայնքները, հատկապես կանանց կողմից ղեկավարվող ձեռնարկությունները:
«Գործարար կանայք՝ Հայաստան-Թուրքիա տնտեսական համագործակցության համար» ծրագիրը ֆինանսավորվում է ԱՄՆ ՄԶԳ-ի (USAID) կողմից, իրականացվում Եվրասիա համագործակցություն հիմնադրամի կողմից՝ «Աջակցություն Հայաստան-Թուրքիա հարաբերությունների բարելավմանը» ծրագրի շրջանակներում:

http://news.am/arm/news/113345.html