Սերժ Թանկյանի նոր տեսահոլովակը Հոլոքոստի մասին է

Աշխարհահռչակ ռոք երաժիշտ Սերժ Թանկյանի նոր «Հարակիրի» ալբոմի երգերից մեկի հիման վրա տեսահոլովակ է նկարահանվել, որն արդեն հասանելի է Youtube կայքում:

Տեսահոլովակը նկարահանվել է «Occupied Tears» («Զավթած արցունքներ») երգի հիման վրա:

«Occupied Tears» երգը Հոլոքոստի մասին է: Սակայն ամերիկահայ երգիչը Հոլոքոստ բառն օգտագործելով նկատի չունի միայն հրեաների ցեղասպանությունը: Երգում շոշափվում է համայն մարդկության դեմ արված ցեղասպանությունների թեման:

Ինչպես ավելի վաղ նշել էինք, Սերժ Թանկյանը, խոսելով իր նոր ալբոմի մասին, բազմիցս նշել էր, որ ալբոմի անունը պատահական չէ և ունի խորը իմաստ:
Խոսելով «Հարակիրի» (Harakiri) ալբոմի մասին` Թանկյանը նշել էր, որ մարդիկ, անգիտակցաբար թունավորելով իրենց տները, երկիրը, մոլորակը դրանք «հարակիրիի» են ենթարկում:

http://haynews.am/hy/1342172902