Ինչպես նշում է թուրքական «Հաբերթուրք» թերթը, «Միլլիգազեթե» պարբերականի լրագրող Մեհմեդ Շևքեթ Էյգին «Խոսքը քոնն է» հաղորդման շրջանակում եղել է Բալչիչեք Իլթերի հյուրը:
Հաղորդման ժամանակ անդրադառնալով ջեմեվիների և ալևիականության թեմային` Մ. Էյգին հանդես է եկել հայտարարությամբ, որ մեծ քննարկումների տեղիք է տվել: Ըստ էության, Թուրքիայում դեռևս չեն ձերբազատվել ծպտյալ հայերի դավադրության թեզից, այդ մասին է վկայում Մեհմեդ Շևքեթ Էյգի հայտարարությունը: Մ. Շ. Էյգին նշել է, թե նրանք, ովքեր բարձրացրել են ջեմեվիների վերաբերյալ քննարկումները, ոչ թե ալևի, այլ «կրիպտո հայեր» են, ովքեր իրենց ներկայացնում են որպես ալևիներ. «… Թուրքիայում մի շարք խմբավորումներ ալևի չլինելով հանդերձ իրենց ալևի են ներկայացնում: Թուրքիայում 500 հազար կրիպտո հայ կա: 1915-1916 թթ. ողբերգություն է տեղի ունեցել: Շատ ցավալի և տխուր դեպքեր են կատարվել: Մի խումբ հայ կանայք, որպեսզի կարողանան փրկվել, մեծ ճնշումների տակ դարձել են մուսուլման: Թուրքիան կրիպտո հայերի խնդիր ունի, որը մոտիկից առնչվում է նաև ալևիներին: Սրանք ալևի են իրենց ներկայացնում, սակայն անկեղծ ալևիներ չեն: Իսկական ալևիներին չեմ փնովում, սակայն Թուրքիան նման խնդիր ունի: Այս խառնաշփոթն էլ են նրանք սարքել»:
Akunq.net
Leave a Reply