Թուրքիայում ցանկանում են մամուլի ազատությունը սահմանափակող օրենք ընդունել

Թուրքիայում իշխող Արդարություն և զարգացում կուսակցությունը շարունակում է սահմանադրության տարբեր կետերի փոփոխությամբ երկրում սահմանափակել մարդու իրավունքներն ու ազատությունները: Ինչպես հաղորդում է «Արմենպրես»-ը` թուրքական Hurriyet Daily News պարբերականը տեղեկացնում է, որ կուսակցության մի շարք անդամներ մտադիր են Սահամադրական հանձնաժողով ներակայացնել նոր օրինագիծ, որով երկրում կսահամանափակվի մամուլի ազատությունը:
Նոր օրինագծի համաձայն` սահմանափակումները կկիրառվեն «ազգային անվտանգության» և «հասարակության բարոյական օրենքներից» ելնելով: Պարբերականի տեղեկացմամբ` արգելվելու են նաև այնպիսի լուրեր, որոնք պարունակում են բռնություն և երեխաների չարաշահումներ:
Թեպետ օրինագծի հեղինակները նոր նախագիծը մեկնաբանում են միայն դրական գծերով, այդուհանդերձ պարզ է, որ այս օրենքի ընդունման դեպքում այն մի շարք նոր ընդունված այլ օրենքների նման հետագայում կկիրառվի իշխող կուսակցության վարչակարգը երկրում ավելի ամրապնդելու համար:

http://armenpress.am/arm/news/687659/turqiayum-cankanum-en-mamuli-azatutyuny-sahmanapakox.html