Հայոց ցեղասպանության ժխտումը քրեականացնող օրենքն իրականություն կդառնա

Ֆրանսիայի նախագահ Ֆրանսուա Օլանդը հուլիսի 7-ին զանգահարել է Ֆրանսիայի հայկական կազմակերպությունների համակարգող խորհրդի համանախագահ Մուրադ Փափազյանին:

Ինչ վերաբերում է Հայոց ցեղասպանության ժխտման քրեականացմանը, ապա նախագահի հավաստիացմամբ, այդ օրինագիծը կդրվի քվեարկության: Նա հաստատել է, որ չի հրաժարվում իր ոչ մի խոստումից` հավելելով, որ հուլիսին պաշտոնապես կընդունի հայերին:

«Կառավարության քաղաքականությունը Օլանդի քաղաքականությունն է, այլ ոչ` Ֆաբիուսինը: Օլանդը երբեք չի դավաճանել ձեզ, սակայն պետք է զգոն և միասնական լինենք: Թուրքիան կարող է արագ փոխել իր տոնը»,- Facebook-ի իր էջում գրել է ՀՅԴ Եվրոպայի կառույցի ղեկավարը:

Ավելի վաղ Mardik.am-ը հայտնել էր, որ Ֆրանսիայի ԱԳ նախարար Լորան Ֆաբիանը հուլիսի 5-ին, իր թուրք գործընկեր Դավութօղլուի հետ հանդիպումից հետո, մամուլի ասուլիսում հայտարարել էր, որ Ֆրանսիայում Հայոց ցեղասպանության ժխտումը քրեականացնող նոր օրինագիծ չի լինի: «Անհնար է նույն ուղով քայլել, հակառակ դեպքում արդյունքը նույնը կլինի»,-հայտարարել էր Ֆաբիուսը:

http://mardik.am