Թուրքական հայտնի (պետական-Ակունքի խմբ.) TRT հեռուստաալիքը Հայաստանում փաստագրական ֆիլմ է նկարահանել` «Հեռու հարևանը» վերնագրով: Ինչպես հաղորդում է «Արմենպրես»-ը` այս մասին տեղեկացնում է «Ակօս» պարբերականը:
Ֆիլմը նպատակ ունի թուրք հասարակությանը ճանաչելի դարձնել տարածաշրջանային և քաղաքական խնդիրների պատճառով փակ սահմանների հետևում մնացած հարևան պետությանը: Ի տարբերություն մինչ օրս նկարահանված մյուս փաստագրական ֆիլմերի` «Հեռու հարևանը» ֆիլմում պատմական կամ էլ քաղաքական խնդիրներ չեն արծարծվել: Ֆիլմի միջոցով փորձ է արվել երկու ժողովուրդներին միմյանց ճանաչելի դարձնել և բարեկամական մթնոլորտ ստեղծել:
Նկարահանման աշխատանքներն անց են կացվել նաև Սևանա լճում: Ֆիլմը ցուցադրվել է հուլիսի 8-ին TRT հեռուստաալիքով, տեղական ժամանակով 22:45-ին:
http://armenpress.am/arm/news/686984/turqakan-trt-herustaaliqy-hayastanum-film-e-nkarahanel.html
Leave a Reply