Թուրքայի մի խումբ մտավորականներ ստորագրահավաք են սկսել ընդդեմ թուրքական «Ենի Աքիթ» թերթի դեմ, որը լրագրող և գրող Ալի Բայրամօղլուին հայամետ կեցվածքի մեջ մեղադրելով` նրա դեմ ատելություն է սերմանել:
Ստորագրահավաքին միացել են բազմաթիվ գրողներ, լրագրողներ, գործարարներ, պատգամավորներ:
Ինչպես տեղեկացնում է CNNturk-ը, տարբեր մասնագիտությունների հարյուրավոր մարդիկ համախմբվել են` «ոչ» ասելու մամուլի միջոցով ատելություն սերմանելու սովորությանը:
Մեծ Բրիտանիայում քրդական հարցով կազմակերպված խորհրդաժողովի ընթացքում Ալի Բայրամօղլուի հայտարարությունները դուր չեն եկել պարբերականին: Դրա համար էլ լրագրողին մեղադրել են «հայկական արմատներ ունենալու», «հայկական թեզերը պաշտպանելու համար ռասիստական շարժառիթներ ունենալու» մեջ:
Ստորագրահավաքին միացել են գրող Օրհան Փամուքը, Դիարբեքիրի քաղաքապետ Օսման Բայդեմիրը, Հրանտ Դինքի այրի Ռաքել Դինքը, գործարար Իսհակ Ալաթոնը, ռեժիսոր Սեմիհ Քափլանօղլուն, բազմաթիվ լրագրողներ:
Գրող, հրապարակախոս Ալի Բայրամօղլուն Թուրքիայում Հայոց ցեղասպանությանը նվիրված ապրիլքսանչորսյան միջոցառումների նախաձեռնողներից էր, ով նաև «Հայերից ներողություն ենք խնդրում» ակցիայի կազմակերպիչներից է եղել:
Leave a Reply