Հայոց ցեղասպանության ժխտումը քրեականացնող նոր օրինագծի քննարկման հարցը Ֆրանսիայի Ազգային ժողովն ընդգրկել է առաջիկա դեկտեմբերի 22-ի իր օրակարգում, «Ազգին» Փարիզից տեղեկացնում է լրագրող Ժան Էսքիյանը: Ֆրանսիայի խորհրդարանի պատգամավոր Վալերի Բուայեն, որ, ինչպես գրել էինք նախապես, նոր օրինագծի հեղինակն է, հաշվի է առել Ֆրանսիայի սահմանադրության բոլոր տրամադրությունները իր նախագիծը մշակելիս, նկատի ունենալով ցեղասպանության ժխտումը քրեականացնող նախկին օրինագծի դեմ առարկությունները սահմանադրական հանձնաժողովում: Ժ. Էսքիյանը տեղեկացնում է նաեւ, որ Վալերի Բույաեն նախորդ շաբաթ հանդիպել է ՀՀ նախագահ Սերժ Սարգսյանին ու Մարսելի փոխքաղաքապետ Դիդիե Պարակյանին եւ քննարկել օրինագծի մանրամասնությունները:
Նախատեսվում է ֆրանսահայ համայնքի հավաք կազմակերպել դեկտեմբերի 22-ին Ազգային ժողովի առջեւ:
http://azg.am/AM/2012070302
Leave a Reply