Քուրդ առաջնորդը Թուրքիայում քրդական հարցի լուծումը միայն զենքի ուժով է համարում

Քրդստանի աշխատավորական կուսակցության (PKK) զինված թեւի առաջնորդներից Դուրան Քալքանը հայտարարել է, որ PKK-ն մեծացնում է զինված գործողությունները եւ մտնում Թուրքիայում քրդական խնդրի զենքի ուժով լուծման գործընթաց:

Ինչպես հաղորդում է «Արմենպրես»–ը, քրդական Firat լրատվական գործակալությանը տված հարցազրույցում քուրդ առաջնորդն ասել է, որ թուրքաբնակ քրդերի նպատակը ինքնավարության հասնելն է, որը հնարավոր է լուծել միայն զենքի ուժով:

Քուրդ առաջնորդն ասել է, որ Թուրքիայի վարչապետ Ռեջեփ Թայիփ Էրդողանի հայտարարություններն այն մասին, որ ցանկանում է լուծել քրդական հարցը, միանգամայն խաբեություն է, քանի որ նրա ղեկավարման վերջին 10 տարիներին խնդրի լուծման ուղղությամբ ոչ մի քայլ չի արվել: «Էրդողանի հայտարարություններն ու որոշ քուրդ քաղաքական գործիչների` խաղաղ ճանապարհով հարցը լուծելու ուղղությամբ ձեռնարկումները ոչ մի արդյունք չեն կարող տալ: Թուրքիայի ղեկավարությունը երբեք քրդերին ինքնակամ ինքնավարություն չի տա, այն հնարավոր է ձեռք բերել միայն զենքի ուժով»,- ասել է Քալքանը:

http://armenpress.am/arm/news/686366/qurd-arajnordy-turqiayum-qrdakan-harci-lutsumy–miayn.html