Հայերից հետո հիմա էլ կիպրոսցի հույներն են «թուրքերի վախը» չափում

Այժմ էլ Կիպրոսի հույներն են մեղադրվում, որ վարժանքներից հետո պատրաստվում են շուրջ 3000 քուրդ զինյալներ ուղարկել Թուրքիայի տարածք:

Արդեն տեղեկացրել էինք, որ թուրքական հեռուստատեսությամբ հայտարարվել էր, որ քրդական զինյալ ահաբեկիչները մուսուլման չեն, այլ հայեր են:

Այժմ էլ Հյուսիսային Կիպրոսի չճանաչված հանրապետության նախագահ Դերվիշ Էրողլուն է թուրքական A Haber հեռուստաընկերության եթերից հայտարարել, որ Կիպրոսի հանրապետությունը համագործակցում է Իսրայելի հետ և հունական հատվածի ռազմական բազաներում ուսումնառություն են անցնում շուրջ 3000 քուրդ զինյալներ:

Էրողլուն պնդել է, որ մոտ ժամանակներս այդ զինյալները կտեղափոխվեն Կանդիլի լեռներ և Թուրքիայի տարածք: Թուրքական «վախը» սահմաններ չունի, և Էրողլուն հայտարարել է, որ մինչ օրս Կիպրոսը և Իսրայելը Թուրքիայի տարածք և Կանդիլի լեռներ են տեղափոխել շուրջ 15 հազար քուրդ զինյալներ:

 Հավանաբար թուրք քաղաքական գործիչը չի էլ պատկերացնում, թե ինչ թվերի մասին է խոսում: