Հայոց ցեղասպանության ֆրանսիական արժեքը Թուրքիայի գիտակցությամբ

Հայոց ցեղասպանության մոռացման դիմաց Թուրքիան Ֆրանսիային առաջարկում է ատոմակայանի շինարարություն:

Հայոց ցեղասպանության մոռացման դիմաց Թուրքիան Ֆրանսիային առաջարկում է ատոմակայանի շինարարություն: Հիշեցնենք, որ Մեքսիկայում G-20 երկրների գագաթնաժողովում առանձնազրույց են ունեցել Թուրքիայի վարչապետ Էրդողանը և Ֆրանսիայի նախագահ Օլլանդը:

Հանդիպումից հետո Թուրքիայի արտգործնախարար Դավութօղլուն հայտարարել է, որ հենց հանդիպման ժամանակ վարչապետ Էրդողանը հրահանգ է տվել վերացնել այն բոլոր պատժամիջոցները, որոնք կիրառել էր Թուրքիան Սակոզիի օրոք Հայոց ցեղասպանության ժխտումը քրեականացնող օրինագծի ընդունման հետևանքով, և ինքը հուլիսի 5-ին մեկնելու է Փարիզ` այդ խնդիրները կարգավորելու նպատակով:

Սակայն Թուրքիայի էներգետիկայի նախարարը որոշել է Դավութօղլուի Փարիզ այցից առաջ սահմանել այն գինը, որը պատրաստ է վճարել Թուրքիան, եթե Ֆրանսիան դադարեցնի օրնսդրական ոլորտում Հայոց ցեղասպանությունը ժխտումը քրեականացնող  օրինագծի վերաբերյալ նոր նախաձեռնությունների վերաբերյալ հայտարարությունները: Սանկտ Պետերբուրգում կայացած Տնտեսական համաժողովի ընթացքում Թաներ Յըլմազը հայատարարել է, որ Ֆրանսիան կարող է լուրջ մասնակցություն ունենալ Թուրքիայի էներգետիկ համակարգի զարգացման մեջ: Նա չի բացառել, որ Ֆրանսիան կարող է նաև նոր ատոմակայանի շինարարության մեջ ներգրավվել:

Ամենայն հավանականությամբ Յըլմազը նկատի է ունեցել Սինոպի ատոմակայանի շինարարությունը, քանի որ Ակկույու ատոմակայանի շինարարությունն արդեն իսկ գտնվում է Ռուսաստանի ձեռքում: Ատոմակայանի շինարարությունը թանկ հաճույք է և չի կարող նվազ լինել, քան 20 մլրդ դոլարն է:

Ահա այս գինն է պատրաստ «վճարել» Ֆրանսիային Թուրքիան, եթե նա դադարեցնի հետաքրքրվել Հայոց ցեղասպանության հարցով: Պետք է խոստովանել, որ տնտեսական առումով ԱՄՆ-ի և Ֆրանսիայի համար բավականին եկամտաբեր է Հայոց ցեղասպանության հարցի շոշափումը:

Այս տարվա գարնանը Թուրքիան հաստատեց ԱՄՆ-ից բազմամիլիարդանոց պայմանագրի հիման վրա 100 հատ ԱՄՆ F-35 կործանիչներ գնելու իր պատրաստակամությունը, իսկ այժմ էլ Ֆրանսիային է առաջարկվում նոր աոմակայանի շինարարությունը: