Թուրքիան մտադիր է առաջիկա 8 տարում 12 ատոմային ռեակտորներ կառուցել: Այս մասին Սանկտ Պետերբուրգի միջազգային տնտեսական համաժողովում հայտարարել է Թուրքիայի էներգետիկայի նախարար Թաներ Յըլդըզը:
Նա ասել է, որ Թուրքիան չի կարող առանց ատոմային էլեկտրակայանների, քանի որ 2023-ին երկրում էլեկտրաէներգիայի պահանջները կկրկնապատկվեն: Թուրքիան Ռուսաստանի օգնությամբ կառուցում է Ակկույու ատոմային էլեկտրակայանը` միաժամանակ շարունակելով բանակցությունները Ճապոնիայի, Հարավային Կորեայի, Չինաստանի և Կանադայի հետ` նոր ատոմակայանի կառուցման համար:
Սակայն պարբերաբար Թուրքիան «մտահոգություն» է հայտնում Հայաստանի խաղաղ նպատակներով միջուկային ծրագրերի զարգացման վերաբերյալ: Ներկայում այդ երկիրը փորձում է միջազգային հանրությանը համոզել` Հայաստանին վրա ճնշում գործադրելու համար, որպեսզի մեր երկիրը փակի Մեծամորի ատոմակայանը:
Մինչդեռ Թուրքիան հետապնդում է ավելի հեռահար նպատակ:
Եթե Հայաստանը զրկվի միջուկային էներգետիկայից, ապա բնական վառելիքների սեփական ռեսուրսների բացակայության պայմաններում էլեկտրաէներգիայի սպառման առումով լիովին կախման մեջ կգտնվի հարևաններից:
www.armweeklynews.am/
Leave a Reply