Խոսքը Իսրայելի փոխվարչապետ Շաուլ Մոֆազի մասին է: Նա, ինչպես երեկ նշել էր «Դունյա բուլթենի» կայքէջը, հայտարարել է, որ Թուրքիան տարածաշրջանում գերտերություն է դարձել, բոլորը պետք է դա հասկանան, մասնավորապես` Իսրայելը: Ապա եւ Մոֆազը ավելացրել է. «Մենք պետք է վերականգնենք ռազմավարական հարաբերությունները Թուրքիայի հետ: Մի կողմ թողած անցյալի տարաձայնությունները` պետք է մեր հայացքն ուղղենք դեպի ապագան»:
Իսրայելի փոխվարչապետ Մոֆազն այս հայտարարությունն արել է «Վաշինգտոն» ինստիտուտում, որտեղ միաժամանակ հույս է հայտնել, որ Թուրքիայի հետ Իսրայելի տարաձայնությունները կհարթվեն առաջիկա ամիսներին: Ինչպես երեւում է, Թուրքիան այլեւս «Մավի Մարմարա» նավի տախտակամածում սպանված 9 քաղաքացիների համար ներողություն չի պահանջում Իսրայելից:
Leave a Reply