Թուրքիոյ մէջ գտնուող «Թէլ Արմէն» հնավայրը կ’աւերեն

Թուրքիոյ Մարթին նահանգի Քըզըլթեփէ շրջանին մէջ կ’աւերեն «Հայկական բլուր» կոչուող հնավայրը. անոր փոխարէն կը կառուցուի բարձրայարկ նոր շէնք:

Ինչպէս կը տեղեկացնէ թրքական «Ռատիքալ»-ը, այդ մասին ահազանգած է հնագէտ Նեզիհ Պաշկելէն, որ կրցած է գաղտնի լուսանկարել տարածքը: Հնագէտը լուսանկարները նամակի հետ ուղարկած է Մշակոյթի եւ զբօսաշրջութեան նախարարութիւն:

«Լուսանկարները գաղտնի նկարած եմ: Սարսափելիօրէն ոչնչացուցած են ամէն ինչ: Անոնց փորած հողէն դեռ հնարաւոր է հին խեցեղէն հանել: Նախարարութիւնը պէտք է անյապաղ միջամտէ»,- գրած է Պաշկելէն:

Հայկական բլուրը կը կրէ նաեւ «Թէլ Արմէն» անուանումը (արաբերէն կը նշանակէ հայկական բլուր,- Tert.am/hy), որ ստացած է շրջակայ հայկական գիւղէն:

«Նման կարեւոր բլուր առանց ուսումնասիրելու, հետազօտելու, առանց համապատասխան գիտական միջամտութեան, առանց փաստաթուղթերու, նման կերպ վերացնելու փաստը շատ տխուր է: Քըզըլթեփէի «Թէլ Արմէն» բլուրը պէտք է անյապաղ պաշտպանութեան տակ առնուի եւ անօրինական միջամտութիւնը պէտք է կանխուի»,- գրած է ան:

http://tert.am/hy/news/2012/06/20/telerman/?sw