Թուրքիան կարող է ներխուժել Իրաքի տարածք

Թուրքիայում մտածում են Իրաք ներխուժելու մասին: Նման տեղեկություններ է տարածել թուրքական մամուլը:

Այսօր վաղ առավոտյան Թուրքիայի հարավ-արևելքում գտնվող Հաքքարի նահանգում` թուրք-իրաքյան սահմանի մոտ, մարտեր էին ընթացել թուրքական բանակի և «Քրդստանի աշխատավորական կուսակցության» (PKK) անդամների միջև: Թուրքական կողմը տվել էր 8 սպանված, իսկ քրդերը կորցրել էին 10 ապստամբի:

Այս միջադեպից հետո Թուրքիայի զինված ուժերի գլխավոր շտաբի պետն ու ներքին գործերի նախարարն ուղևորվել են մարտադաշտ: Նշվում է, որ առաջիկայում հնարավոր է` թուրքական ցամաքային ստորաբաժանումները ներխուժեն Իրաքի տարածք:

Նշենք, որ Թուրքիայի օդուժը հաճախ ռմբահարում է Հյուսիսային Իրաքի քրդական ինքնավարության տարածքը, որտեղ էլ գտնվում են PKK-ի հենակետերը: Իսկ այսօրվա միջադեպից հետո թուրք գեներալները պատրաստվում են լայնածավալ ցամաքային գործողություններ իրականացնել Իրաքի հյուսիսային տարածքներում:

Վերջին անգամ Թուրքիայի զինված ուժերը նման գործողություն են իրականացրել Իրաքում 2008 թվականին:

http://haynews.am/hy/1340112377