Հույն պատգամավորը հակադարձել է Բաղըշին` հիշեցնելով Թուրքիայում մարդու իրավունքների վատթարացող վիճակի մասին

«Հնարավոր է` Թուրքիայի տնտեսությունը վերելքի մեջ է, սակայն Թուրքիայում ժողովրդավարության մակարդակը խոր անկում է ապրում»,- ասել է պատգամավոր, ԵՄ-Թուրքիա խորհրդարանական խմբի փոխնախագահ Մարիլենա Կոպպան:
Ինչպես տեղեկացնում է Հունաստանի «Ազատ օր» հայկական օրաթերթը` Ստրասբուրգում, Թուրքիայի ԵՄ հարցերով պետնախարար Էգեմեն Բաղըշը խոսել է Էրդողանի կառավարության կողմից կատարվող բարեփոխումների ընթացքի և մարդու իրավունքների պաշտպանության մասին: Ապա, ակնարկելով Եվրոպական միության ղեկավարությունը Կիպրոսի ստանձնելու փաստին, հայտարարել է. «Դուք` եվրոպացիներդ, պիտի այցելեք Կիպրոսի այն մասը, որը դուք եք ճանաչում, իսկ մենք Թուրքիայից այցելելու ենք այն մասը, որը մենք ենք ճանաչում»:
Մարիլենա Կոպպան, ի պատասխան թուրք նախարարին, հիշեցրել է քուրդ պատգամավոր Լեյլա Զանայի դեմ նոր դատական հետապնդման փաստը,ինչպես նաև  բանտերում պահվող 104 լրագրողների և 35 մամուլի աշխատակիցների մասին: Հույն պատգամավորը նաև նշել է, որ Թուրքիայում մարդու իրավունքների մակարդակն օրեցօր վատթարանում է:

http://tert.am/am/news/2012/06/15/azator/