Թուրքիայում հուշադրամ է թողարկվել` առանց Աթաթուրքի դիմանկարի

Թուրքիայում առաջին անգամ Աթաթուրքի դիմանկարից զերծ հուշադրամ է թողարկվել:

Ինչպես հաղորդում է «Արմենպրես»–ը` վկայակոչելով HaberTurk հեռուստաալիքը, «անաթաթուրք» հուշադրամները, որոնք թողարկվել են 1 մլն հատ, նվիրված են Թուրքիայում անցկացվող «Թուրքերենի միջազգային օլիմպիադաներ» միջոցառմանը: Ի տարբերություն նախկինում թողարկված հուշադրամների, վերջինս առեւտրի բնագավառում շրջանառության մեջ չի դրվելու:

Թուրքիայում մինչ այժմ թողարկված բոլոր դրամական միավորների վրա եղել է Աթաթուրքի դիմանկարը: Թողարկված հուշադրամների վրա Աթաթուրքի պատկերի բացակայությունը ցնցում է առաջացրել թուրքական հասարակության մեջ: Թուրքական ազգայնական շրջանակները կոչ են արել հրաժարվել ձեռք բերել դրանք:

http://armenpress.am/arm/news/684720/turqiayum-hushadram-e-toxarkvel-aranc-ataturqi-dimankari.html