Արդեն երրորդ շաբաթն է, Իրանը սահմանափակել է ադրբեջանական բեռնատարների մուտքն իր տարածք, իսկ բենզինի և դիզվառելիքի բեռնատարներն ընդհանապես մուտք չունեն: Նախիջևանի հանրապետություն բենզինի և դիզվառելիքի մատակարարումը խիստ սահմանափակվել է, քանի որ իրականացվում էր Աստարա-Թավրիզ- Ջուլֆա ուղղությամբ:
Այն բանից հետո, երբ Իսրայելի Մոսսադն ուժեղացրեց իր ներկայությունը Ադրբեջանում, իսկ Իրանը 201-ի աշնանը սկսեց կազմավորել հյուսիսային պաշտպանական շրջանը, Ադրբեջանից ժամանող տրասպորտային միջոցների և ուղևորների համար սահմանվեց հատուկ հսկողություն Իրանի անվտանգության ուժերի կողմից:
Իսկ 2012-ի մայիսի վերջից արդեն Իրանը սահմանափակեց ադրբեջանական բեռնատարների մուտքն իր տարածք:
Միակ ճանապարհը, որ կարող էին օգտագործել ադրբեջանական բեռնատարները, Վրաստան –Թուրքիա-Նախիջևան տրանսպորտային գիծն է: Ելնելով իրավիճակից` Թուրքիան թույլատրել է Վրաստանից իր տարածքով դեպի Նախիջևան բենզինի և դիզելային վառելիք տարանցումը: Այս մասին հաղորդել է թուրքական Resmi Gazete պարբերականը: Տարանցման վերաբերյալ թույլտվությունը երեք տարով է և սահմանված է ինչպես երկաթուղային, այնպես էլ ավտոմոբիլային երթուղիների համար:
Ուշադրության է արժանի այն հանգամանքը, որ Իրանի կողմից ադրբեջանական բեռնատարների մուտքի արգելանքը մտցվեց Իրանի, Ադրբեջանի և Թուրքիայի արտգործնախարարնների վերջին եռակողմ հանդիպումից հետո, ուր քննարկվել էին երկրների տարածքով բեռների և մարդկանց տեղաշարժը հեշտացնելու հարցերը:
Leave a Reply