Թուրքական «Միլիյեթ» պարբերականը հոդված է պատրաստել, որում անդրադարձ է կատարվել Օսմանյան կայսրության ժամանակ Ստամբուլի տարածքում այլ պետություններին նվիրված շինություններին:
Հոդվածում նշվում է, թե ինչպես օսմանյան սուլթանների կողմից մի շարք պետություններին նվիրաբերված շինություններն այժմ գործում են որպես դիվանագիտական ներկայացուցչություններ:
Նման շինություններում են գտնվում Ավստրիայի, Եգիպտոսի, Գերմանիայի հյուպատոսությունները կամ ներկայացուցչությունները:
Թերթում մանրամասն անդրադարձ է կատարվում նրանցից յուրաքանչյուրին` նշելով, թե դրանցից յուրաքանչյուրի արժեքը միլիոնավոր դոլարներ է:
Առավել հետաքրքիր է Ավստրիայի հյուպատոսության շենքի մասին պատմությունը: Ներկայում որպես դիվանագիտական ներկայացուցչություն ծառայող հսկա առանձնատունը կառուցվել է 19-րդ դարում հայտնի ճարտարապետներ Պալյանների գերդաստանը ներկայացնող Մկրտիչ Պալյանի կողմից: Պալատը պատկանել է հայ բանկիր Մկրտիչ Ջեզայիրլյանին:
1882 թ. Աբդուլհամիդ Երկրորդ սուլթանը շենքը (հնարավոր է, որ արյունարբու սուլթանն այն ուղղակի խլել է հայերից-խմբ.) նվիրել է Ավստրո-Հունգարիայի կայսր Ֆրանց Առաջինին:
Առաջին և երկրորդ համաշխարհային պատերազմների ժամանակ այն փոխել է տերերին, սակայն ի վերջո նորից հանձնվել է ավստրիացիներին, և այժմ այստեղ գործում է Ստամբուլում Ավստրիայի հյուպատոսարանը:
Leave a Reply