Միթինգ եկեղեցին

Հայկական եկեղեցի է, որը գտնվում է Սասուն գավառի Գյուրգենլի գյուղի Թոփլուջա արտում: Ենթադրվում է, որ սույն եկեղեցին ունի 1500 տարվա պատմություն: Այն, արդեն բազում տարիներ, որպես ախոռ է օգտագործվում:

Գյուղի բնակիչները նշում են.

«Ենթադրում ենք, որ մեր արտում գտնվող եկեղեցին 1500 տարեկան է: Եկեղեցին խիստ ավերված վիճակում է: Տվյալ պահին որպես ախոռ ու հարդանոց է օգտագործվում: Տեղեկացանք, որ եկեղեցին կրում է «Միթինգ» անունը: Մենք պահանջում ենք, որ այն վերականգնվի: Ինչպես որ Եվրոպան տեր է կանգնում մեր մզկիթներին, այնպես էլ մենք պետք է հարգանք ցուցաբերենք քրիստոնյաներից մնացած եկեղեցիների և կրոնական բնույթի այլ հուշարձանների հանդեպ: Մեր կրոնը (ի նկատի ունի իսլամը-Ակունքի խմբ.) ճիշտ չի համարում պաշտամունքի նախկին վայրերի` որպես հարդանոց և ախոռ օգտագործվելը: Մենք մեր պահանջը ներկայացրել ենք Արդարություն և զարգացում կուսակցության հասարակայնության հետ կապերի կենտրոն, որի պատասխանատուն` Ա. Բաքի Քոլուն, տեղում տեսել է եկեղեցին և մեր պահանջը փոխանցել կուսակցության ընդհանուր կենտրոն: Հուսով ենք, որ դրական պատասխան կստանանք»:

Բաթման նահանգի Սասուն գավառում քրիստոնյաներին և հայերին պատկանող բազմաթիվ եկեղեցիներ են գտնվում:

http://sasun.org/index.php?option=com_content&view=article&id=79%3Amiting-kilisesi&catid=23%3Asason-kiliseleri&Itemid=1

Թարգմանությունը` Akunq.net-ի