Արվեստի քննադատների ազգային ասոցիացիան, (AICA-Հայաստան) Anadolu Kültür-ի, Հայաստանի ազգային կինոկենտրոնի, Հայաստան-Թուրքիա կինոպլատֆորմի և tranzit.at-ի հետ համատեղ ներկայացնում են «Քաղցր վարանմունք՝ Քաղցր վաթսունականներ» նախագծիը, որի շրջանակներում հունիսի 11-13-ը կազմակերպում է հայկական և թուրքական մի շարք ֆիլմերի ցուցադրություններ և կինոքննադատների ու մշակութաբանների կոնֆերանս՝ Երևանի «Նաիրի» կինոթատրոնում (կից տեսե՛ք ծրագիրը):
«Քաղցր վարանմունք՝ Քաղցր վաթսունականներ» նախագծի շրջանակներում կայանալու են 1960-ականների չորս հայկական և չորս թուրքական դասական ֆիլմերի ցուցադրություններ՝ Թուրքիայում և Հայաստանում, ինչպես նաև՝ այդ ժամանակաշրջանի հայկական և թուրքական կինեմատոգրաֆիայի վերաբերյալ զուգահեռ քննարկումներ: Մայիսի 17-20-ը, 2012 Ստամբուլի SALT Galata Մշակութային կենտրոնը հյուրընկալել է այս նախագծի թուրքական հատվածը: Նախագծի հիմնական նպատակն է հնարավորություն տալ Հայաստանի և Թուրքիայի հասարակություններ-ին՝ տեղեկանալու երկու երկրներում՝ հանրային գիտակցությունը ձևավորորղ գլխավոր մշակութային արտադրանքներին, որոնց ստեղծման ժամանակաշրջանում ի հայտ եկած գաղափարները առ այսօր ուղղորդում են այդ հասարակությունների զարգացումը։ Ընտրված ֆիլմերը դարձել են երկու հասարակությունների ինքնության խորհրդանիշներ. դրանք հիշվում են, անընդհատ ցուցադրվում, մեջբերվում, քննարկվում, ուսումնասիրվում, իսկ դրանցում հնչող արտահայտությունները կամ դրվագները դարձել են թևավոր խոսքեր, որոնք ինքնության ուղերձներ են այսօր հասցնում այս հասարակությունների լայն շերտերին:
«Քաղցր վարանմունք / քաղցր 60-ականներ» նախաձեռնությունը մասն է ավելի լայն՝ «Քաղցր 60-ականներ» միջազգային հետազոտական ծրագրի, որը ժամանակակից արվեստի և տեսության դիտանկյունից ուսումնասիրում է 1960-ականների անհայտ, անտեսված, կամ թաքնված համատեքստերը և տարածքները, որոնք դուրս են մնացել «ռոմանտիկ հեղափոխական ժամանաշրջանի» մեծ պատումից:
«Քաղցր վարանմունք /Քաղցր վաթսունականներ» նախագիծը կազմակերպվում է «Աջակցություն Հայաստան-Թուրքիա հարաբերությունների բարելավմանը» ծրագրի շրջանակներում։ Ծրագիրն իրականացվում է ԱՄՆ Միջազգային զարգացման գործակալության օժանդակությամբ` կոնսորցիումի կողմից, որի կազմում ընդգրկված են Եվրասիա համագործակցություն հիմնադրամը, Երևանի մամուլի ակումբը, Մարդկային զարգացման միջազգային կենտրոնը և Հայաստանի արդյունաբերողների և գործարարների (գործատուների) միությունը: Ծրագրին մասնակցում են մի շարք գործընկերներ Թուրքիայից, այդ թվում Համաշխարհային քաղաքական միտումների ուսումնասիրության կենտրոնը, Բիզնեսի զարգացման հայ-թուրքական խորհուրդը, «Անադոլու քուլթուր» կազմակերպությունը, ԳԱՅԱ հետազոտական ինստիտուտը, Իզմիրի տնտեսական համալսարանի Լրատվամիջոցների և հաղորդակցության ֆակուլտետը, «Թոփլում գոնուլլուլերի» հիմնադրամը և Թուրքիայի Տնտեսական քաղաքականության հետազոտության հիմնադրամը։
***
ԱՄՆ ՄԶԳ-ն և կոնսորցիումի անդամներն աջակցում են Հայաստան-Թուրքիա հարաբերությունների բարելավմանը՝ խթանելով քաղաքացիական հասարակության համագործակցությունը, հիմնելով գործարարների եվ պրոֆեսիոնալների ցանցեր եւ զարգացնելով եղած համագործակցության օրինակները, ինչպես նաև սատարելով երկու ժողովուրդների միջև փոխըմբռնման ձեւավորմանը եւ խորացմանը, տարածաշրջանում խաղաղության և տնտեսական ինտեգրման հասնելու նպատակով:
«Քաղցր վարանմունք՝ Քաղցր վաթսունականներ»
1960-ականների հայկական և թուրքական կինեմատոգրաֆները
Ֆիլմերի ցուցադրությունների և կոնֆերանսի ծրագիր
«Նաիրի» կինոթատրուն
11-13-ը հունիսի, 2012
Երկուշաբթի, 11 հունիսի
11:00 ցուցադրություն «Հայրենաբաղձ թռչունները», Թուրքիա, 93ր
13:00 ցուցադրություն «Բարև՛, ես եմ», Հայաստան, 137ր
15:30 ցուցադրություն «Մեկ գիշերվա հարսը», Թուրքիա, 77ր
Երեքշաբթի, 12 հունիսի
11:00 – 13:30 «Քաղցր վարանմունք՝ Քաղցր վաթսունականներ»
Կոնֆերանս, մաս I.
60–ականների հայկական կինոն և հարակից համատեքստերը
Բանախոսներ
Նազարեթ Կարոյանը (Երևան) արվեստի քննադատ է, կուրատոր և AICA-Հայաստանի նախագահը: Նա 2011-ին Վենետիկի 54-րդ Բիենալեի Հայաստանի ազգային տաղավարի համակուրատորն էր:
Քեթի Չուխրովը (Մոսկվա) մշակութաբան է և Արվեստի տեսության ու մշակութաբանության դոցենտ՝ Ռուսաստանի Պետական հումանիտար համալսարանում: Իր վերջին գիրքը՝ «Լինել-Խաղալ. թատրոնը արվեստի փիլիսոփայական քննադատության մեջ», հրատարակվել է 2011-ին:
Վիգեն Գալստյան (Սիդնեյ) կինոքննադատ ու լուսանկարչության տեսաբան է, աշխատում է Սիդնեյի Նոր Հարավային Ուելսի պատկերասրահում՝ իբրև կուրատորի օգնական: Նա նաև ReArk Երևանի Ճարտարապետական հետազոտության կենտրոնի համահիմնադիրն է:
Սիրանուշ Դվոյան (Երևան) գրականագետ է և Համեմատական գրականության դասախոս՝ Երևանի պետական համալսարանում: Իր հետազոտական հետաքրքրությունների շրջանակներում են հայկական համայնքների մշակույթը հետխորհրդային իրակույթներում, նոր սփյուռքային փորձառություններն ու հեղափոխական արտիկուլյացիաները գրականության մեջ:
Հրաչ Բայադյան (Երևան) մշակութաբան է և Մեդիայի ու մշակութային ուսումնասիրությունների դասախոս՝ Երևանի պետական համալսարանում: Նրա հետազոտական հետաքրքրությունները հատկապես կենտրոնացած են հետխորհրդային մեդիա մշակույթի, քաղաքային տարածքների և հետխորհրդային/հետգաղութային հարաբերությունների շուրջ:
14:30 – 17:00 «Քաղցր վարանմունք՝ Քաղցր վաթսունականներ»
Կոնֆերանս, մաս I I.
60–ականների թուրքական կինոն և հարակից համատեքստերը
Նադիրե Մաթերը (Ստամբուլ) Bianet-ի խորհրդատուն է և IPS Հաղորդակցությունների հիմնադրամի նախագահը: Իրավունքների վրա հիմնված մոտեցում ունի լրագրության մեջ, Bianet-ում աշխատում է արդեն 12 տարի: Նրա վերջին գիրքը՝ Sokak Güzeldir: 1968’de Ne Oldu? («Փողոցը գեղեցիկ է: Ի՞նչ պատահեց 1968-ին») հրատարակվել է 2009-ին:
Զեյնեփ Դադաքը (Ստամբուլ) ներկայումս Նյու Յորքի համալսարանի Կինոյի ուսումնասիրությունների/Կինոգիտության թեկնածու է, կինո/գիտություն է դասավանդում տարբեր համալսարաններում: Եղել է Altyazı ամսագրի խմբագրական կազմի անդամ, որին մինչ այժմ թղթակցում է: Ներկայումս նա աշխատում է իր առաջին լիամետրաժ Mavi Dalga («Կապույտ ալիքը») վրա, որը նա կբեմադրի Մերվե Քայանի հետ համատեղ:
Ֆաթիհ Օզգյուվենը (Ստամբուլ) կինո և գրականություն է դասավանդել Ստամբուլի Բիլգի համասլարանի Կինոյի և հեռուստատեսության բաժնում, ինչպես նաև՝ Բոսֆորի համալսարանում: Ներկայումս ֆիլմերի շաբաթական ակնարկներ է գրում «Ռադիկալ»-ի համար: Վերջերս հրատարակած իր պատմվածքը կոչվում էր Hep Yazmak İsteyenlerin Hikâyeleri («Նրանց պատմությունները, ովքեր միշտ ցանկանում էին գրել»), 2010:
Ահմեթ Գյուրաթան (Անկարա) դասավանդում է Բիլքենթի համալսարանի Հաղորդակցության և դիզայնի բաժնում: Հետազոտություն է հրապարակել թուրքական կինոյի, ընդունելության, րիմեյքների և վավերագրության վերաբերյալ՝ անթոլոգիաներում և ամսաթերթերում: Պարբերաբար թղթակցում է bir+bir և Express ամսագրերին՝ քաղաքական և մշակութային թեմաներով:
Դիմիթրիս Էլեֆթերիթիսը (Գլազգո) Գլազգոյի համալսարանի Կինոյի և հեռուստատեսության բաժնի դասախոս է և Թատրոնի, կինոյի և հեռուստատեսության ֆակուլտետի դեկանը: Նրա ներկայիս նախագծերի ցանկում են մեկ հոդված մանկության շուրջ՝ Էմիր Կուստուրիցային «հարավսլավական» շրջանում, մի մենագրություն Կինոյի և հանրաքաղաքացիության շուրջ և հատուկ հոդված ժամանակակից հունական մշակույթի վրա փոխազդեցությունների վերաբերյալ:
Երեքշաբթի` հունիսի 13, 2012
11:00 ցուցադրություն – «Մարմնավաճառ սերս», 90ր.
13.00 ցուցադրություն – «Հայրիկ», 76ր.
15.00 ցուցադրություն – «Դառը կյանք», 96ր.
http://haynews.am/hy/1339423638
Leave a Reply