Աշխարհի ամենանշավոր բախագետ, ջութակահար Մանուկ Հարությունյանը, «Քալան մյուզիք» երաժշտական ընկերության հրավերով, այսօր` Թուրքիայի ժամանակով ժամը 21:00-ին, համերգ կտա Ստամբուլում և կկատարի Կոմիտասի և Սայաթ-Նովայի ստեղծագործությունները:
Այդ մասին հաղորդում է պոլսահայերի «Հայթերթ» կայքը: Ըստ աղբյուրի` ինչպես հայտնել է «Քալան մյուզիքի» տնօրեն, երաժշտական պրոդյուսեր Հասան Սալթըքը, ինքը Մանուկ Հարությունյանի հետ ծանոթացել է Երևանում` անցյալ տարվա նոյեմբերին այստեղ կայացած զազա հայտնի երգիչ Միքայիլ Ասլանի համերգի ժամանակ: Հասան Սալթըքը նշել է. «Մանուկ Հարությունյանը ավարտել է Մոսկվայի համալսարանը: Նա աշխարհի ամենահայտնի բախագետներից մեկն է: Նա Բախի մասին խոսելիս «սվասցի Բախ» էր ասում: Սվասի նախկին անվանումը Սեբաստիա է, իսկ Բախի ամբողջական անունը` Յոհան Սեբաստիան Բախ: Բոլոր երաժիշտները Հայաստանում ասում են` «Բախ, Սեբաստացի»: Հիմա բոլորը կասեն` որտեղի՞ց ի հայտ եկավ այդ կոմիկական ենթադրությունը: Արդեն իսկ այստեղ ում ասում եմ, ծիծաղում է: Բայց դա ոչ թե իմ, այլ հայաստանցի երաժիշտների ենթադրությունն է… Նրանք այնքան վստահ են դրանում, որ անգամ չեն պատրաստվում որևէ բան ապացուցել…»:
Akunq.net
Leave a Reply