Թուրքիայում` երկրաշարժ. մի քանի տասնյակ վիրավորներ

Թուրքիայի հարավ-արևմուտքում տեղի ունեցած երկրաշարժի հետևանքով 60 մարդ է տուժել, տեղեկացնում են թուրքական աղբյուրները:

Հունիսի 10-ին 6 մագնիտուդ երկրաշարժ է գրանցվել Մուղլա նահանգի Ֆեթհիե հանգստավայրում:

Տուժածների մեծ մասը հոգեբանական խնդիրներ են ունեցել, մյուսների մոտ արձանագրվել են կոտրվածքներ և վերքեր:

Տուժածներից մեկը գլխի վնասվածք է ստացել, երբ ցնցումների ժամանակ վախից դուրս է ցատկել տան պատուհանից:

Բոլոր տուժածները եղել են Թուրքիայի քաղաքացիներ: Տարածքում հանգստացողների շրջանում տուժածներ չեն եղել:

HayNews.am