Թուրքիայի բանտերը լցվում են քուրդ քաղաքապետերով

Թուրքիայում վերջին մի քանի օրում Վան նահագում մի քանի քուրդ քաղաքապետերի ձերբակալություններին խիստ է արձագանքել Դիարբեքիրի քաղաքապետ Օսման Բայդեմիրը։

Թուրքական Haberler-ի փոխանցմամբ՝ քրդական Խաղաղություն եւ ժողովրդավարություն կուսակցության անդամ, Դիարբեքիրի քաղաքապետ Օսման Բայդեմիրը հայտարարել է, որ իր համար Թուրքիան ֆաշիստական հանրապետություն է։ «Հեյ, ֆաշիստ Էրդողան, քրդերին բանտերը լցնելով, ձերբակալելով եւ սպանելով չես կարող արդյունք ստանալ։ Բանտին պատրաստ ենք, սակայն պայքարելու ենք։

Ով քեզ հանձնվի, թող քեզ պես ֆաշիստ լինի։ Երբեք ծնկի չենք գալու։ Քուրդիստանի աշխարհագրական տարածքից ընտրված քրդական արմատներով իշխող «Արդարություն եւ զարգացում» կուսակցության պատգամավորներին կոչ եմ անում՝ հրաժարական տվեք եւ վերադարձեք ժողովրդի մեջ, այլապես քուրդ ժողովուրդն իրավունք ունի ձեր երեսին թքելու»,-հայտարարել է Օսման Բայդեմիրը։

Նշենք, որ Թուրքական ոստիկանության կողմից հունիս 7-ի առավոտյան KCK-ի (Քուրդիստանի համայնքների միություն, համարվում է PKK-ի քաղաքացիական կառույց) գործի շրջանակներում ձերբակալել է Վանի, Բոսթանիչիի, Էդրեմիթի, Բաշքալեի քուրդ քաղաքապետերին։

Մինչ այս ձերբակալությունները Թուրքիայի բանտերում էր գտնվում 32 քուրդ քաղաքապետ:

http://top-news.am/index.php?newsid=9572&ng=7&nt=4