Վենետիկի հանձնաժողովը Թուրքիայի նոր սահմանադրության համար պահանջներ է ներկայացրել, որից երկիրը չի կարող խուսափել:
Վենետիկի հանձնաժողովի գլխավոր քարտուղար Ջաննի Բուքիքիոն ասել է, որ Թուրքիան ամբողջովին պետք է վերանայի իր սահմանադրությունը:
Նա ընդունել է, որ 1980թ-ի սահմանադրության մեջ էլ կան դրական կողմեր, սակյան նոր սահմանադրությունն ամբողջովին պետք համապատասխանի եվրոպական չափորոշիչներին:
Թուրքիան ամենից շատ մտահոգ է, որ իրեն չստիպեն դառնալ դաշնային պետություն, քանի որ այդ դեպքում քրդական նահանգները կունենան լիարժեք ինքնավարություն, ինչը համազոր կլինի մասնակի անկախությանը:
Հասկանալով Թուրքիայի անհանգստությունը, Վենետիկի հանձնաժողվոի նախագահն այլ կերպ է մոտեցել այդ հարցին:
“Իհարկե , Թուրքիան պարտավոր չէ դառնալ դաշնային պետռություն, սակայն պարտավոր է տարածքներին տալ ինքնավար և անկախ կառավարման լիարժեք իրավունք”- հայտարարել է Ջաննի Բուքիքիոն:
Անդրադառնալով սահմանադրության մեջ քրդական հարցի արտացոլմանը, Բուքիքիոն ասել է նաև, որ ժամանակն է մեկ պետության մեջ իրավական պայմաներ ապահովել երկու համայնքների համար (թուրք և քուրդ) ` սակայն առանձին, ինքնավար և ինքնակառավարման իրավունքով ապրելու նպատակով: Այս մասին Եփրատ գործակալությանը տված իր հարցազրույցում ասել է Վենետիկի հանձնաժողովի գլխավոր քարտուղարը:
Հավելենք, որ Ջաննի Բուքիքիոն արտահայտում է այս պահի դրությամբ եվրոպական հավաքական տեսակետը քրդական հարցի վերաբերյալ: Եվրոպան չի ցանկանում, որ քրդերը Թուրքիայի տարածքում ստեղծեն պետություն, սակայն առաջարկում է տալ նրանց բավարար ինքնավարություն նոր ստեղծվող սահմանադրության հիման վրա: Դա եվրոպացիներն անվանում են ոչ թե Թուրքիայի դաշնայնացում, այլ` կառավարման ապակենտրոնացում, փորձելով քրդական մարզերին տալ նույն ինքնավարության իրավունքները, ինչը կունենան նաև թուրք բնակչություն ունեցող մարզերը:
Ինչպես միշտ, Եվրոպան իր տեսակետը պարտադրելու է և թուրքերին, և քրդերին:
Leave a Reply