Թուրքիայի որոշ կուսակցությունների ղեկավարներ փորձում են մութ անցյալն իրենց հարմար ձևով լուսավորել քաղաքական պայքարում:
Սաադեթ կուսակցության ղեկավար Մուսթաֆա Կամալաքը, հադես գալով Օսմանիե նահանգի Կադիրլի շրջանի կուսակցության շրջանային ժողովում, հայտարարել է, որ Հանրապետական Ժողովրդական կուսակցությունը (CHP) փորձել է Աթաթուրքին համոզել Թուրքիայում պետական կրոն ընդունել քրիստոնեությունը:
Նրա խոսքով` եթե դա հաջողվեր, ապա 1924 թ. սահմանադրության մեջ կրոնը գրված կլիներ քրիտոնեություն, իսկ ներկայիս երկրի բնակչության մեծամասնությունը կլինեին քրիստոնյաներ:
«Ալլահից ահ չունեցող սերունդը ահաբեկիչ կլինի»,- ասել Կամալաքը` մեղադրելով CHP կուսակցությանը Թուրքիայում վերջին մի քանի ռազմական հեղաշրջումները կազմակերպելու և քաջալաերելու մեջ: Այս մասին տեղեկացնում է թուրքական Հաբերթուրք կայքը: Խնդիրը այն չէ, թե Աթաթուրքը քրիստոնեություն կընդուներ, թե` ոչ:
Հարյուր հազարավոր քրիստոնյաների մահվան մեջ մեղսավոր անհատն իհարկե չէր կարող քրիստոնյա դառնալ: Խնդիրն այն է, որ 1915-ից մինչև 1926 թվականները Թուրքիայի պատմությունն ու անցյալն այնքան մութ ու անորոշ են իրենց իսկ համար, որ ամեն պահի կարող են նոր սենսացիոն հայտարություններ լինել:
Վերջին տարիների թուրքական մամուլի հրապարակումների վերլուծությունը թույլ է տալիս եզրակացնել, որ Թուրքիայում 1915-26 թթ. վերաբերող արխիվային փաստաթղթերի հետ ծանոթանալու իրավունք շատ սահմանափակ մարդկանց է տրված: Առավել ևս , որ այդ ժամանակաշրջանին վերաբերող կարևոր արխիվային փաստաթղթերը գտնվում են Թուրքիայի Զինված ուժերի գլխավոր շտաբում:
Ենթադրվում է, որ դեպի այդ արխիվներ տանող ճանապարհն անցնում է Թուրքիայի Ազգային անվտանգության խորհրդի աշխատակազմով:
Leave a Reply