Թուրքիայի Միջերկրական ծովի ափամերձ տարածքում ուժեղ երկրաշարժ է տեղի ունեցել, որը զգացել են նաև բնակիչներ ու հարակից հանգստյան գոտու զբոսաշրջիկները: «ՌԻԱ Նովոստիի» հաղորդմամբ` դղրդացող երկիրը մարդկանց մոտ խուճապ է առաջացրել, որոշում է կայացվել Անթալիայի որոշ հյուրանոցներից հանգստացողներին տարհանել: Իսկ Ֆետհիյե հանգստյան գոտում երկրաշարժի հետևանքով կապն է խափանվել:
Բոսֆորյան համալսարանի սեյսմոլոգիկ կենտրոնը 6.1 մագնիտուդ է արձանագրել, էպիկենտրոնը թուրքական Մուղլա նահանգում` հունական Ռոդոս քաղաքից մի քանի տասնյակ կիլոմետր հեռավորության վրա:
Նշենք, որ Միջերկրական ծովը մի քանի շաբաթ է ցնցվում է, ամենաուժեղ հարվածը աղետը հասցրեց Իտալիային, ուր ստորգետնյա ցնցումները շաբաթներ շարունակ ավիրում էին հնագույն ճարտարապետական կոթողներ, եկեղեցիներ, բնակելի տներ և այլն:
Leave a Reply