Թուրքիայում արգելված Քրդստանի աշխատավորական կուսակցության (PKK) քաղաքային կազմակերպություն համարվող Քրդստանի համայնքների միության (KCK) պայքարի շրջանակում Անկարայի անվտանգության տնօրինության ահաբեկչության դեմ պայքարի ջոկատները հունիսի 6-ի առավոտյան «Թուրք բժիշկների միության» ուսանողական թեւի անդամների նկատմամբ երեք շրջաններում օպերատիվ գործողություններ են իրականացրել: Ինչպես հաղորդում է «Արմենպրես»-ը` վկայակոչելով թուրքական Doğan լրատվական գործակալությունը, այդ գործողությունների արդյունքում թուրքական ոստիկանությունը ձերբակալել է Թուրքիայի բժշկական համալսարաններում սովորող 90 քուրդ ուսանողների:
Նշենք, որ KCK-ի դեմ 2011 թ. աշնանից սկսված պայքարի շրջանակում թուրքական ոստիկանությունը ձերբակալել է մոտ 4000 քրդերի` որոնց թվում են քաղաքական, հասարակական գործիչներ, գրողներ, գիտնականներ, լրագրողներ եւ այժմ էլ` ուսանողներ: Նրանք բոլորը «մեղադրվում» են ահաբեկչական խմբավորման հետ կապեր ունենալու եւ օժանդակելու մեջ:
http://armenpress.am/arm/news/693824/turqiayum-bzhshkakan-hamalsaranneri-90-qurd-usanoxner.html
Leave a Reply