Թուրքիայի Միդյաթ գավառի Թուրաբդին շրջանի Զազ (Իզբըրաք) ասորական գյուղում գտնվող Մոր Դիմեթ պատմական ասորական եկեղեցու զանգակատունը կանգնած է քանդվելու վտանգի առջև: Զազ գյուղում գտնվող այս եկեղեցուն տեր են մնացել ընդամենը 2 ասորիներ, գյուղ, որի բնակչության մեծ մասն արտագաղթել է Եվրոպա և Ամերիկա: Պոլսում տպագրվող «Ակօս» հայկական շաբաթաթերթի հաղորդմամբ` վերոնշյալ երկու ասորիներից մեկը վանական է, մյուսը` մայրապետ: 2001 թ. եկեղեցու բակում մի շինություն և զանգակատուն է կառուցվել, որպեսզի նրանք կարողանան այստեղ մնալ: 2001 թ. ի վեր օգտագործվող այդ հարկաբաժինը և զանգակատունը ներկայում քանդվելու ենթակա են` պետական պաշտոնյաների կողմից կայացված որոշման համաձայն:
Suryaniler.com կայքում այս տեղեկության վերաբերյալ իր տեսակետն արտահայտած Գերմանիայի Գյութինգեն համալսարանից հարգարժան Գաբրիել Ռաբոն հայտնում է, թե Զազ գյուղում գտնվող սույն եկեղեցին կառուցվել է ասորիների` քրիստոնեություն ընդունելու ժամանակաշրջանում (ենթադրաբար 5-րդ դարում) և շատ կարևոր կառույց է ասորիների համար: Գաբրիել Ռաբոն նաև նշում է, թե այս շինությունը, բացի եկեղեցի լինելուց, նաև այլ նշանակություն ունի, քանի որ նրա արտաքին պատերին առկա է Քրիստոսից առաջ ընկած ժամանակներին պատկանող աքքադերեն սեպագիր արձանագրություն:
Akunq.net
Leave a Reply