Թուրքական դասագրքում Հայաստանն ու հարեւան երկրների մի մասն ընդգրկել են այդ երկրի կազմում

Ստամբուլի դպրոցականներին մուլտիմեդիա դասագրքեր են բաժանել, որտեղ Թուրքիայի քարտեզի մեջ են հայտնվել ամբողջ Հայաստանը, Իրաքի, Բուլղարիայի, հունական Կիպրոսի եւ Վրաստանի որոշ տարածքներ: Այդ մասին հայտնել է Milliyet թերթը:

Խտասկավառակը, որը պարունակում է այդ քարտեզը, պատրաստվել է ազգային կրթական ծրագրի շրջանակներում, որ սկսել է կրթության նախարարությունը:

Կրթության նախարարությունում եւ Ստամբուլի կրթության բաժնում հայտարարել են, թե «ապշած են կատարվածից»: Նրանք նաեւ ներողություն են խնդրել կատարվածի համար եւ հայտարարել, թե չգիտեն` որտեղից է այն: Ողջ պատասխանատվությունը պաշտոնյաները բարդել են Ստամբուլի կրթության բաժնի նախկին ղեկավար Աթա Օզերի վրա:

Վրաստանի ԱԳՆ-ն հայտարարել է, թե ուսումնասիրում է տեղեկատվությունը:

http://news.am/arm/news/108083.html