Թուրքերը ներողություն են խնդրել շներից` նրանց զանգվածային կերպով ոչնչացրած լինելու համար

Երեկ Ստամբուլում արտասովոր ոգեկոչման արարողություն է կազմակերպվել: Անասունների կուսակցությունը (Hayvan Partisi) հիշատակի արարողություն է իրականացրել Սիվրի կղզում, որտեղ 1910 թ. Միություն և առաջադիմություն կուսակցությունը 80 հազար շներ էր սատկեցնել տվել` Ստամբուլը ժամանակաշրջանի արևմտյան քաղաքներին նմանեցնելու մղումով: Այդ մասին հաղորդում է իր սկանդալային հրապարակումներով հայտնի թուրքական «Թարաֆ» օրաթերթը: Երեկ Սիվրի կղզում այդ կոտորածի 102-րդ տարելիցի առթիվ հուշարձան է կանգնեցվել` 1910 թ. ոչնչացված շների հիշատակին, իսկ Անասունների կուսակցությունը 100 հոգանոց խմբով ոգեկոչման արարողություն է կատարել կղզում` պաշտոնապես ներողություն խնդրելով շներից: Անասունների կուսակցության խոսնակ Նեսլիհան Դեմիրը ոգեկոչման արարողության ժամանակ իր ելույթում նշել է. «Այստեղ ենք գտնվում` 102 տարի հետո հիշելու և ամաչելու համար: Լսում ենք այդ ձայները և մեր մարդկային արժանապատվությունը մի կողմ դնելով` ներողություն խնդրում բոլոր կենդանիներից` 1910 թ. շների կոտորածի համար»: Նեսլիհան Դեմիրը նաև պահանջել է մի հոդված հավելել Թուրքիայի Սահմանադրության մեջ` շների վերաբերյալ:

Ինչպես հայտնում է «Թարաֆը», սույն արարողության մասին ամենադիպուկ երկտողներից մեկը գրել է «Ակօս» հայկական շաբաթաթերթի գլխավոր խմբագիր Ռոբեր Քոփթաշը, ով Twitter-ի իր էջում նշել է. «1910 թ. ոչնչացված շները գոնե մի հուշաքար ունեցան. տարոսը մյուս զոհերին»:

Akunq.net