Թուրք առաջնորդը Թուրքիայում քրդական խնդրի լուծման ծրագիր է պատրաստում

Թուրքիայի գլխավոր ընդդիմադիր Ժողվորդահանրապետական կուսակցության (ԺՀԿ) առաջնորդ Քեմալ Քըլըչդարօղլուն քրդական խնդրի լուծման ծրագիր է պատրաստում` թուրքական խորհրդարան ներկայացնելու համար: Այս մասին, ինչպես հաղորդում է «Արմենպրես»–ը, հայտնում են թուրքական ԶԼՄ-երը: Նշվում է, որ ծրագիրը բաղկացած կլինի 6 հիմնական կետերից:

Թուրքական պետությունը 1984-ից սկսած մահացու բախումների մեջ է Քրդստանի աշխատավորական կուսակցության» (PKK) զինյալների հետ:

ԺՀԿ առաջնորդը հայտարարել է, որ միայն իր կուսակցությունը կարող է վերջ դնել բռնությանը Թուրքիայում:

Թուրքիայում քրդական խնդրի լուծման ԺՀԿ ծրագիրը նախատեսում է քրդական հարցով խորհրդարանական հանձնաժողովի ձեւավորում: Այն իր աշխատանքի առաջին 6 ամիսների արդյունքը պետք է ներկայացնի խորհրդարան: Դրանից հետո պետք է կազմվի հաշտեցման, համատեղ գոյակցության եւ խաղաղության արշավ սկսելու ուղղությամբ «վերջին քայլերի» պլանը:

Քրդերը կազմում են Թուրքիայի 72 մլն բնակչության 20 տոկոսը: Թուրքական պետությունը 30 տարիների ընթացքում չի կարողացել ճնշել ինքնավարություն պահանջող PKK-ի պարտիզանական պայքարը: Ռազմական գործողությունների ընթացքում զոհվել է մոտ 40 հազար մարդ, այդ թվում` զինծառայողներ եւ քաղաքացիական անձինք:

http://armenpress.am/arm/news/693198/turq-arajnordy-turqiayum-qrdakan-khndri-lutsman-tsragir.html