Թուրքական «Հյուրիյեթ» պարբերականը, հղում կատարելով Սորբոնի համալսարանի ռեկտոր Ժան Կլոդ Կոլիադին, նշում է, թե Հայոց ցեղասպանության ժխտումը քրեականացնող օրենքի չընդունման մեջ զգալի դեր է խաղացել նաև Գալաթասարայի համալսարանը:
Ստամբուլի Գալաթասարայի համալսարանի պատվավոր դոկտոր Կոլիադը հայտարարել է, թե «իրենք ամուր կապեր ունեն թուրքական այդ համալսարանի հետ»:
«Գալաթասարայի համալսարանի ներկայացուցիչները մի շարք հանդիպումներ են ունեցել: Նրանք հանդիպել են անգամ Ֆրանսիայի Սենատի և Ազգային ժողովի նախագահներին, ներկայացրել դրությունը: Գալաթասարայի ջանքերը նույնպես դեր են խաղացել օրենքը չընդունելու հարցում»,-հայտարարել է ֆրանսիացի ռեկտորը:
Հիշեցնենք, որ Ֆրանսիայի Ազգային ժողովն ու Սենատն ընդունել էին օրենքը, որով քրեական պատիժ էր սահմանվում ցեղասպանությունները ժխտելու համար: Սակայն օրենքը հակասահմանադրական է ճանաչվել նաև Ֆրանսիայի Սահմանադրական խորհրդի կողմից:
Leave a Reply