Թուրքիայի խորհրդարանի` նոր սահմանադրության հարցերի մշտական հանձնաժողովը աշխարհի տարբեր երկրների սահմանադրությունների ուսումնասիրության արդյունքում հետաքրքիր բացահայտում է արել: Հանձնաժողովին ներկայացված զեկույցում մարդու իրավունքների և կանանց գենդերային խնդիրների առումով ամենաբարվոք պետությունները Ռուանդան և Հարավային Աֆրիկան են:
«Սահմանադրություններն ուսումնասիրելու արդյունքում պարզ դարձավ, որ այն երկրները, որտեղ մինչ սահմանադրության ստեղծումը բախումներ կամ ավտորիտար ռեժիմ են եղել, գենդերային հարցերում ավելի լավ և ժողովրդավարական սահմանադրություններ են ստեղծել», – ասված է հանձնաժողովին ներկայացված զեկույցում:
Haberturk-ը հիշեցնում է, որ աշխարհի խորհրդարաններում կին պատգամավորների թվով Ռուանդան առաջատար պետություն է:
«Մարդու հիմնարար ազատությունների հանդեպ հարգանքը, բազմակարծությունը, ուժերի արդար բաշխումը, խնդիրները երկխոսությամբ հարթելը և սահմանադրական պետություն կառուցելու վճռականությունն ակնհայտ է: Գենդերային հարցերում Ռուանդային հաջողվել է լիակատար հավասարություն ստեղծել», – ասված է զեկույցում:
Հարավային Աֆրիայում կիրառվում է կանանց և տղամարդկանց իրավահավասարությունն ապահովելու լավագույն մոդելը:
Leave a Reply