Հայոց ցեղասպանությունը ճանաչած Զարաքօլուն պարգեւատրվել է «Ասորական մշակույթի» շքանշանով

Ստոկհոլմի Botykyrka ասորական մշակութային կենտրոնը Թուրքիայում ձերբակալված «Բելգե» հրատարակչության տնօրեն Ռագըփ Զարաքօլուին պարգեւատրել է «Ասորական մշակույթի» շքանշանով:

Ինչպես հաղորդում է «Արմենպրես»–ը, շքանշանը եւ 5000 կրոն պարգեւավճարը մարտի 27-ին Ստոկհոլմում տեղի ունեցած հանդիսավոր արարողության ժամանակ հանձնվել է ասորի գրող Ֆեյյազ Քերիմոյին` Զարաքօլուին փոխանցելու համար:

Ռագըփ Զարաքօլուն թուրքական անվտանգության մարմինների կողմից Ստամբուլում ձերբակալվել է 2011 թ. նոյեմբերի 1-ին: Նա մեղադրվում է Թուրքիայում արգելված Քրդստանի աշխատավորական կուսակցության (PKK) քաղաքային թեւ համարվող Քրդստանի համայնքների միության (KCK) հետ «համագործակցելու, PKK-ի զինյալներին ապաստանելու» եւ այլ շինծու հիմնավորումներով:

Ռագըփ Զարաքօլուն այն մտավորականներից է, ովքեր ճանաչել են Հայոց ցեղասպանությունը եւ Թուրքիայի իշխանություններից պահանջում են ընդունել այդ իրողությունը: Զարաքօլուն բազմաթիվ գրքեր է հրապարակել Հայոց ցեղասպանության մասին:

http://armenpress.am/arm/news/686108/hayoc-cexaspanutyuny-tchanachats-zaraqolun-pargevatrvel.html