Համաշխարհային ճանաչում ունեցող ռեժիսորը ֆիլմ կնկարահանի Հայոց ցեղասպանության մասին

Ամերիկացի հայտնի ռեժիսոր Սթիվեն Շպիլբերգը պատրաստվում է ֆիլմ նկարահանել Հայոց ցեղասպանության մասին: Այդ մասին հաղորդում է թուրքական «Հաբերթյուրք» պարբերականը: Շպիլբերգի կողմից 1994 թ. հիմնված Շոահ հիմնադրամի ինստիտուտը, որը գտնվում է Հարավային Կալիֆորնիա համալսարանի ենթակայության ներքո, թվայնացնելու է Հայոց ցեղասպանությունից վերապրած ականատեսների վկայությունները: Ինստիտուտի արխիվում ներկայում գտնվում են Հրեական ցեղասպանությունից վերապրած վկաների մոտ 52 հազար վկայությունների տեսագրությունները: Ինստիտուտը պատրաստվում է մեծացնել իր արխիվը` ընդգրկելով նաև այլ ցեղասպանությունների մասին վկայություններ: Այդ ծրագրի շրջանակներում Միքայել Հակոբյանը Հայկական ֆիլմ հիմնադրամում գտնվող 400-ի չափ տեսագրությունները հանձնելու է ինստիտուտի արխիվին: USC հայկական ուսումնասիրությունների ղեկավար խորհրդից հայտնել են, թե այդպիսով նպատակ է դրվել ստեղծել Հայոց ցեղասպանությանը նվիրված ամենահամապարփակ արխիվը: Խորհուրդը ապրիլի 15-ին պատրաստվում է կազմակերպել ծրագրի շնորհանդեսը:  

30.03.2012

Akunq.net