Թուրքիայում հայուհու ինքնասպանությունը ավելի վաղ Էրդողանի արած հայտարարության հետևանքն էր

Թուրքական «Ռադիկալ» թերթի լրագրող Էզգի Բաշարան, անդրադառնալով Թուրքիայում հայազգի Նարինե Մկրտչյանի ինքնասպանությանը, նշել է, որ դա վարչապետ Էրդողանի` ավելի վաղ արած հայտարարության արդյունքն է եղել: Այս մասին հաղորդում է «Արմենպրես»–ը` վկայակոչելով «Ակօս» պարբերականը:

Բաշարան նշել է, որ Նարինեն շանտաժի ենթարկվելուց հետո էլ չի կարողացել դիմել ոստիկանություն, օգնություն խնդրել, քանի որ Թուրքիայում փախստականի կարգավիճակով է գտնվել և գրանցում չի ունեցել: Թուրք լրագրողը հիշեցրել է մոտ 2 տարի առաջ Էրդողանի արած հայտարարությունը Թուրքիայում փախստական հայերի մասին, որը վարչապետն արել էր ի պատասխան 2010 թ. մարտի 4-ին ԱՄՆ Ներկայացուցիչների պալատի արտաքին հարաբերությունների  հանձնաժողովում հայկական օրինագծի ընդունմանը: Էրդողանը հիշեցրել էր, որ Թուրքիայում բնակվող 170 հազար հայերից 100 հազարը գտնվում են փախստականի կարգավիճակում, երկրի քաղաքացիներ չեն և ասել էր, որ անհրաժեշտության դեպքում նրանց կվտարի երկրից: Բաշարայի կարծիքով` Թուրքիայում նման անպաշտպան մթնոլորտն էր, որ վախի մեջ է պահել Նարինեին և դրդել է ինքնասպանության: «Նարինեն մեկն էր այն 100 հազար մարդկանցից, ովքեր խոցելի լինելով` փորձում էին իրենց գոյությունը պահպանել»,-ասել է Բաշարան: 

http://armenpress.am/arm/news/686071/turqiayum-hayuhu-inqnaspanutyuny-aveli-vax-erdoxani.html